Веб потврди: Мајкл Оливер погрешил со црвениот картон за Луис-Скили

Мајкл Оливер предизвика контроверзи со исклучувањето на Мајлс Луис-Скили на дуелот меѓу Арсенал и Волвс, а неколку недели подоцна неговиот шеф Хауард Веб потврдил дека одлуката била погрешна.

Натпреварот заврши со минимална победа на „топчиите“, но екипата на Микел Артета генерираше и казна од 65.000 фунти поради фактот што фудбалерите го опкружија судијата на теренот.

ВАР собата ја потврди одлуката на Оливер, но подоцна црвениот картон беше поништен заедно со суспензијата на фудбалерот, кој доби право на настап уште на следната средба. Сепак, оваа одлука е на независна комисија во која се вклучени и поранешен играч и тренер, па ставот на Веб има посебно значење бидејќи е целосно на судиските авторитет во Премиер лигата.

– Како судиска комисија, би преферирале жолт наместо црвен картон во таа ситуација.

– Имаше коментари дека одлуката била катастрофална, но не се сложувам со тој став, можам да сфатам зошто во моментот судијата направил таква проценка на прекршокот, – рекол Веб, кој напоменал дека ВАР судиите требало да реагираат и да го коригираат Оливер.