Поврзете се со нас

Франција

Важна најава од Килијан: Мбапе се отвори за својата иднина и откри зошто го одложува потписот со ПСЖ

Објавено

на

Килијан Мбапе има важечки договор со ПСЖ до јуни 2022-ра година, а во моменти кога добро познато е дека клубот прави секакви напори за да ја продолжи соработката со младата француска ѕвезда, конечно пристигна искрена и објективна изјава од самиот фудбалер.

Напаѓачот постигна два гола во победата на ПСЖ од 4:0 во дуелот со Монпелје со кој беше отворно новото коло во Лига 1, пресметка по која Мбапе отворено им порача на француските медиуми дека се наоѓа во момент кога размислува што ќе прави со својата иднина, па поради тоа не одговара на понудата која ја има од „светците“ и за која веќе зборуваше оперативецот Леонардо.

Интересно е тоа што Мбапе не пропушти да нагласи дека е многу среќен во Париз, па доколку одлучи да остане во ПСЖ тоа ќе биде за многу години.

– Вистина е, преговораме со клубот за видиме во кој тек ќе оди проектот. Мора да признаам дека се уште размислувам, бидејќи ако потпишам нов договор со ПСЖ, тоа ќе биде за многу години и ќе бидам тука долго време. Многу сум среќен тука, секогаш било така и така е и сега.

– Сепак, во овој момент потребно ми е време за добро да размислам што сакам да правам и каде сакам да бидам наредните години. Да, набрзо ќе мора да донесам одлука, но во овој момент сум во процес на размислување. Ако го имав одговорот денеска, ќе ви го кажев. Не го велам ова за да добијам на време, вистина го мислам ова. Не сакам да потпишам договор и после една година да кажам „сакам да си одам“. Ако потпишам со ПСЖ, тоа ќе биде на долг период, а таква одлука заслужува добро размислување, – порача Мбапе.

Реклама
Реклама
Реклама

Популарни