Важен потпис за шампионот: Леверкузен ја продолжи соработката со еден од клучните играчи

Баерн Леверкузен имаше незаборавна сезона (2023/2024), сезона во која ги освои двата најважни трофеи во Германија, а беше на чекор да триумфира во Лига Европа каде беше запрен на последниот чекор, финалето во кое загуби од Аталанта.

Овие резултати јасно покажуваат дека Чаби Алонсо заврши фантастична работа, па Шпанецот најмалку уште една година останува во сегашната средина каде сака да ги има клучните играчи.

Токму еден од нив Роберт Андрих денеска потпиша нов договор според кој ќе биде „фармацевт“ најмалку до 20 јуни 2028 година.

-Го доживувам најуспешниот период во кариерата и чувствувам дека гладта на тимот сега е толку голема дури и по таа посебна сезона.

-Навистина со нетрпение очекувам да продолжиме заедно во следните неколку години и ќе дадам се од себе за моите соиграчи, за овој посебен клуб и нашите фантастични навивачи, -порача германскиот репрезентативец.

Роберт одигра 45 средби за бундеслигашот во претходната година, даде 6 гола и забележа 5 асистенции.