Важен избор пред Бекам: Меси ќе добие нов тренер во Интер Мајами

Интер Мајами е најголемото разочарување на стартот на плејофот во МЛС лигата, бидејќи недопирливиот тим во регуларниот дел од сезоната доживеа елиминација уште на стартот.

Атланта успеа да ги шокира големите ѕвезди предводени од Тата Мартино и зададе удар кој беше јасно дека ќе донесе последици, но уште пред да дојде до нив, аргентинскиот стручњак решил самиот да направи чекор назад.

Како што јавуваат најугледните американски медиуми, Тата Мартино си поднел оставка поради приватни причини, а со тоа автоматски го информирал Дејвид Бекам дека нема да може да го води тимот на стартот на наредната сезона.

Ова значи дека легендарниот Англичанец сега е пред важен избор за проектот на неговиот клуб, бидејќи наредните месеци ќе треба да го избере идеалниот за водење на првиот тим.

Интер Мајами оваа сезона го имаше најдобриот скор во историјата во една регуларна сезона во МЛС, но тоа не беше доволно за да се стигне до завршната фаза во плејофот.