Вавринка разочаран од одлуката за Синер, екс шпански тенисер застана во одбрана на Италијанецот

Информацијата за спогодбата на Јаник Синер и Светската анти-допинг агенција предизвика многу реакции и меѓу колегите на Италијанецот, a покрај очекуваната негативна реакција од Ник Кирјос, во сличен стил реагираше и Станислас Вавринка.

Швајцарскиот ветеран со освоени грен-слем титули во својата кариера со краток коментар истакна што мисли за тримесечната суспензија на Синер поради позитивните допинг тестови од минатата година.

– Не верувам во чист спорт повеќе… – напиша Вавринка на социјалните мрежи.

Швајцарецот се воздржал од одговор на коментарите под неговиот пост, но интересно е да се издвои дека Фелисијано Лопез му реплицирал меѓу првите, застанувајќи во одбрана на помладиот италијански колега.

– Јасно е дека не направил ништо за да ги подобри своите перформанси, тоа е докажано. Презема целосна одговорност за туѓи грешки, дали подолга суспензија ќе го направеше спортот чист? Не верувам, – напишал Лопез кој неодамна ја заврши кариерата.