Васоски се враќа во Македонија, може да биде селектор на надежите

Александар Васоски немаше успех во првиот тренерски предизвик надвор од нашите граници, односно многу брзо ја заврши приказната со еден од најдобрите клубови во Босна и Херцеговина, Сараево.

Меѓутоа како што стојат работите некогашниот предводник на Вардар и Академија Пандев нема долго да остане без ангажман затоа што на маса има неколку интересни предлози од кои главните се од Македонија.

Популарниот Тетовче обелодени дека преговара со клуб од домашниот шампионат, но и дека опција е да стане селектор на репрезентацијата до 21 година која во овој момент ја води Драги Канатларовски.

-Преговарам со два клуба, едниот е од Македонија и е моќен, а другиот е од странство. Постои и опција за преземање на репрезентацијата Македонија до 21 година. Деновиве секако ќе донесам одлука, -истакна Васоски за порталот „Репрезентација.ба“.