Поврзете се со нас

Балкан

Васоски ги шокираше Босанците и си поднесе оставка пред финалето во Купот

Објавено

на

Foto:instagram.com/fk_sarajevo

Сараево вечерва ремизираше во дербито против Железничар со резултат 1:1, натпревар кој се покажува како последен за Александар Васоски на кормилото на домашниот тим.

Поранешниот тренер на Вардар и Академија Пандев не одработи ниту една полусезона како шеф на стручниот штаб на Сараево, бидејќи самостојно реши да си поднесе оставка после низата неповолни резултати, но и конфликтот со македонскиот интернационалец Велкоски.

Македонскиот стручњак на прес-конференцијата зборувал за епилогот од мечот, но ги шокирал новинарите со објавата за повлекување од функцијата на неколку дена пред финалето во Купот.

– Поради низата слаби резултати, јас ја презимам одговорноста и поднесувам оставка. Тоа е најдобра шок терапија пред финалето во Купот. На тимот му посакувам се најдобро, им се заблагодарувам на навивачите.

– Имав краток разговор со управата, размислував за ова и после мечот со Борец, али мислев дека ќе победиме на двата меча на домашен терен. Не го победивме Жељо и тоа е тоа. Ви благодарам за се и ви посакувам се најдобро, – изјавил Васоски.

Сараево следниов викенд игра во домашното првенство против Широки, а на 19-ти мај игра против Вележ во финалето на Купот.

Реклама
Реклама
Реклама

Популарни