Васоски брзо си пронајде нов клуб во Првата македонска лига

Александар Васоски со тешко срце се раздели од Вардар и си остана на својот збор дека ќе си замине по крајот ан првиот дел од шампионатот во Првата македонска фудаблска лига, првенство во кое поранешниот дефанзивец ќе го гледаме и во пролетниот дел.

Васоски брзо си најде нов ангажман и останува на македонската фудаблска сцена, бидејќи постигна договор со Академија Пандев, клуб кој во досегашниот дел од шампионатот промени двајца тренери, најпрво Таневски, а последно и Тренчевски.

Разделбата со Тренчевски на 17-ти декември му остави чист пат на доскорешниот вардаров тренер, на кого очигледно не му беше тешко да постигне договор со својот добар пријател од репрезентацијата, Горан Пандев.

Популарниот „Тетовче“ постигнал договор на една и пол година и предвидено е да ја води Академија Пандев до крајот на оваа сезона и цела наредна, а секако првична цел ќе биде да обезбеди осптанок со оглед на тоа што струмичани нависитна лошо котираат на првенствената табела.

По 18 комплетирани кола, „Пандевци“ се на претпоследното место со 17 освоени бода, но сепак тимовите кои се надвор од опасната зона се доста блиску и ги дели два бода.