Поврзете се со нас

Лига на нации

Василјев: Македонија е фаворит, но можеме да ги изненадиме

Објавено

на

blank

Македонската репрезентација утре ја пречекува Естонија во меч од петтото коло од група 2 од дивизијата Ц во Лигата на нации, средба на која важиме за фаворити без разлика на отсуството на неколку важни играчи како Пандев, Барди, Адеми, Алиоски и голманот Димитриевски.

Селекторот Игор Ангеловски истакна дека тимот е емотивно испразнет по големиот успех и пласманот на Европското првенство, но и дека ќе се направи се за да се оствари позитивен резултат, победа со која ќе останеме на првото место во групата.

Меѓутоа Естонците исто така се надеваат и веруваат дека можат да ја искористат нашата ситуација и дојдат до изненадување во Скопје.

-Двата тима имаат свои цели и очекувам да дадат проценти. Македонија е фаворит на домашен терен, но верувам дека ќе имаме шанси, па ако ги искористиме ќе можеме да одиме дома со добар резултат, -истакна ветеранот Константин Василјев.

Предводникот пак на Естонците, Карел Волаид очекува сосема спротивен меч од оној во Талин кога одигравме 3-3.

-Во фудбалот се можни многу работи. За нас беше изненадување 3:3, бидејќи Македонија е силна во одбрана. Очекувам дека утрешната средба нема да биде толку отворена и дека нема да има многу голови.

-Тој натпревар беше чуден, многумина од навивачите мислеа дека се е готово и дека ќе ги освоиме трите бода, но на крајот се покажа дека треба повеќе да го почитуваме противникот. Македнија не играше со најсилниот состав и во Талин, сега ќе бидат без Пандев кој е национален херој, но ние мораме да бидеме подготвени за една силна Македнија, -порача Волаид.

Средбата Македонија-Естонија се игра утре во Скопје од 15 часот.

Реклама
Реклама
Реклама

Популарни