Василев ќе му биде десна рака на Милков во Беласица

Новиот македонски прволигаш Беласица во текот на вчерашниот ден објави дека Ване Милков и во наредната сезона ќе ја води екипата за да денеска пристигне нова информација во која се вели дека стручниот штаб ќе биде засилен со Александар Василев.

Поранешниот капитен на Беласица ќе му биде прв асистент на Милков што секако е одлична можност да се стекне со искуство во новото поглавје во кариерата, тренерскиот занает.

-Благодарност до управата на ФК Беласица, Претседателот и шефот на стручниот штаб за укажаната шанса. Ми претставува голема чест, задоволство и привилегија да се биде дел од овој стручен штаб и клуб каде што израснав како фудбалер, а сега ми дава нова шанса, да запливам во тренерските води, – рече Василев.