Варди влезе во жестока расправија со Ромеро и навивачите на Тотенхем за време на мечот: Ние имаме една титула, вие ниту една! (Видео)

Џејми Варди е фудбалски бесмртник во Премиер лигата поради сето она што го оствари во англиската елита, но легендарниот голгетер го привлекува вниманието и на 37-годишна возраст.

По една сезона мината во Чемпионшип, Варди дочека повторно да заигра во Премиер лигата и веднаш се запиша во листата на стрелците, но се најде во фокусот и поради една расправија во вториот дел.

Голот на Варди беше доволен Лестер да освои бод против „петлите“, но капитенот на „лисиците“ доби инспирација и да ги уништи навивачите на Тотенхем кои го провоцираа од трибините.

Варди не остана рамнодушен и им одговори на брутален начин, потсетувајќи ги дека Лестер освои една титула во Премиер лигата, а тие дека немаат ниту една.

Во расправијата се вклучи и Аргентинецот Ромеро, но и тој не помина баш добро, бидејќи за возврат доби жолчни пцовки од Англичанецот кој го напушташе теренот.

Vardy to Tottenham 😂 pic.twitter.com/8sZFaAqdZh

— SimplyUtd (@SimplyUtd) August 19, 2024