Вардар загуби уште една клучна алка: Васовски остана и без најдобриот играч во тимот (Фото)

Вардар отвори очајно лошо на стартот на сезоната и за првпат во историјата претрпе пораз од Борец на домашен терен, но наспроти резултатот, посебно разочарувачки беше изданието кое го имаа избраниците на тренерот Васовски.

Актуелниот македонски прва се наоѓа во сериозна финасиска ситуација и беспарицата ги натера најплатените фудаблери да го напуштат тимот, а денеска пристигна потврда дека и најдобриот играч на Вардар од минатата сезона повеќе не е член на „црвено-црните“.

Новопечениот македонски репрезентативец Даниел Аврамовски беше најдобар стрелец во првата македонската фудбалска лига и најдобар поединец во редовите на Вардар до паузата која ја предизвика коронавирусот, но денеска Вардар преку социјалните мрежи се прости со офанзивниот фудбалер.

– Оваа сезона беше последна во дресот на #ФКВардар и за Даниел Аврамовски, кој дојде во Вардар во зимскиот преоден рок 2019 година од екипата на Олимпија. Во „црвено-црниот“ дрес одигра вкупно 41 натпревар со постигнати 12 голови.

– Фудбалскиот клуб Вардар на Даниел, кој беше интегрален дел од минатогодишната шампионска титула му се заблагодарува на досегашната соработка и му посакува многу успех во понатамошната кариера. Благодариме Цујо!