Вардар сигурен и во пресметката со прволигашот Скопје

Екипата на Вардар доцна ги започна подготовките за пролетниот дел од шампионатот, но ако се суди по резултатите на теренот тогаш тоа воопшто неме да биде пречка за „црвено-црните“ да се претстават во најдобро можно светло во предвизиците кои престојат во втората македонска лига.

Имено пред неколку дена вардарци беа убедливи против Тетекс кого го совладаа со 5-0, додека пак денеска на дуелот во Автокоманда против прволигашот Скопје славеа со 3-1. Жоглев, Дошев и Десниќ беа стрелци за најтрофејниот македонски клуб кој генералната проба за она вистинското ќе ја има на 11 февруари против градскиот ривал Работнички.