Вардар се засили со кружен напаѓач од Полска

Најдобриот македонски ракометен клуб Вардар доведе уште едно ново име за натпреварувачката 2020/2021 и тоа на пивотменската позиција.

Се работи за 27-годишниот полски интернационалец Патрик Валчак кој во таборот на Вардар доаѓа од Германија од тимот на Либек. Со него Стојанче Стоилов и Глеб Калараш добиваат конкуренција на позицијата кружен напаѓач, но тоа дефинитивно беше потребно по заминувањето на Домен Сикошек Пелко и Сергеј Горпишин.

Досега актуелниот европски шампион покрај Валчак ги ангажираше Филип Талески, Гоце Георгиевски, Робин Кантегрел, Јосип Векиќ, Анте Гаџа, Томислав Јагуриновски и Марко Вујин, а беа потпишани и нови договори со уште неколку стандардни, клучни играчи од минативе години.