Поврзете се со нас

Македонија

Вардар се откажа од својот капитен, но и од искусниот Брдаровски

Објавено

на

Вардар со огромни промени во играчкиот кадар ги започна зимските подготовки за пролетниот дел од сезоната, а еден ден откако стартуваа моторите, клубот организираше брифинг со новинарите заедно со тренерот Седлоски, но и сите последни засилувања.

Македонскиот великан во името на претставниците најави дека главна цел во вториот дел од сезоната ќе биде да се избори опстанок во елитата, но исто така се постави и цел да се стигне до трофејот во Купот.

Тренерот Седлоски и останатите засилувања добија можност да се обратат пред јавноста, но интересно е што на денешниот собир беше потврдена разделба со двајца искусни фудбалери кои се уште се дел од првиот тим.

Главните подготовки на „црвено-црните“ ќе стартуваат во Анталија на 18-ти јануари, а денеска беше соопштено дека дел од експедицијата во Турција нема да бидат Дарко Мицевски и Владица Брдаровски.

Досегашниот капитен Мицевски најверојатно ќе биде испратен на позајмица, додека Брдаровски бил информиран дека е ослободен од обврските кои ги има кон Вардар, па сега како слободен агент ќе може да си бара нов клуб.

Advertisement
Advertisement

Италија

Advertisement

Популарни