Вардар рутински се справи со Пролет

Составот на Вардар 1961 оствари рутински триумф над Тинекс Пролет во дуелот од 3. коло во Суперлигата.

„Црвено-црните“ потврдија дека се во добра форма во овој момент, односно дека тимот одлично функционира под водство на Недановски и Стоилов. Поранешниот македонски шампион сите дилеми околу победникот ги реши во првиот дел кој го доби со 16-8.

Потоа домаќините само ја заокружија партијата и со конечни 31-20 го затворија овој меч за три од три во најсилната домашна ракометна конкуренција.

Петриќ со 7 и Родригез со 6 гола беа најефикасни играчи кај победникот.

Во вториот денешен дуел ГРК Охрид лесно се справи со Куманово (35-20).