Вардар поведе, па доживеа вистинска катастрофа во битката со Шкендија

Екипата на Вардар доживеа тежок пораз од Шкендија од 5-1 во премиерниот натпревар од 9. коло во Првата македонска фудбалска лигата.

Избраниците на Васоски добро го отворија дуелот на националната арена „Тодор Проески“ и во 11 минута поведоа со погодокот на Попзлатанов. Меѓутоа оваа радост на домаќините траеше многу кратко затоа што Рамадани со мајсторки удар го израмни резултатот на 1-1 во 15 минута.

Шкендија тука не застана и до крајот на првиот дел направи целосен пресврт преку Ахмеди. По ова му беше многу полесно на лидерот во ПМФЛ, па во продолжението го нокаутираше, дотолчи противникот со уште три голови во неговата мрежа, а автори на истите беа Ибраими, Тотре и Ахмеди.

Останатите дуели од оваа рунда се играа утре во терминот 14:30 часот.