Вардар казнет порaди пиротехника, управата со порака до навивачите: На овој начин…

Најтрофејниот македонски фудбалски клуб Вардар е казнет со 153.750 денари од страна на ФФМ поради употреба на пиротехника од страна на навивачите на дербито со Шкупи.

Оваа вест клубот ја сподели на својот официјален сајт и притоа испрати порака до фановите, подржувачите на скопскиот тим.

-На сметка на АД ФК Вардар пристигнаа за наплата 153.750денари, како казна од страна на ФФМ за дивеење со пиротехника на неодговорни навивачи на натпреварот Вардар – Шкупи (14-то коло).

-На овој начин, таквото “навивање” директно ги оштетува фудбалерите на нашиот клуб. Како илустрација, за користење на целиот стадион за еден натпревар, плаќаме кон „АД за изградба и стопанисување со стамбен и деловен простор“ 145.258 денари. Тоа значи, дека пиротехниката прави еден натпревар двојно да биде поскап. На тој начин Вардар не се сака, туку се оштетува, -стои во објавата на Вардар.

„Црвено-црните“ во пролетниот дел од шампионатот загубија од Шкендија, потоа ја победија Струга во ПМФЛ, го надиграа Силекс во Купот на Македонија, а овој викенд имаат значаен дуел со Беса во битката за опстанок.