Вардар ја заврши соработката со десет играчи

Екипата на Вардар почна да ги влече првите потези по неуспешната сезона во која клубот не успеа експресно да обезбеди кам-бек во најсилната домашна конкуренција.

Повеќе од јасно беше дека потребни се промени, план кој ќе донесе успех и резултати почнувајќи од натпреварувачката 2022/2023, па така прво долгорочно беа врзани тренерот Бобан Грнчаров и спортскиот директор Александар Бајевски, а во тимот беше додаден и Един Нурединовски.

Потоа „црвено-црните“ го потврдија првото засилување за новата кампања во името на напаѓачот Симеон Христов за да денеска од клубот и соопштат на јавноста дека завршена е соработката со десет играчи.

Тоа се Дарко Стојанов, Филип Петковски, Дарко Гроздановски, Ване Јованов, Иван Мицевски, Кристијан Костовски, Оливер Пеев, Никола Наумоски, Филип Илиќ и Трајче Стојковски, фудбалери на кои управата им се заблагодари и им посака среќа и успех во нивните понатамошни кариери.