Вардар ја затвори годината со победа над Кожуф

Вардар го победи Кожуф со 2:0 и на најдобар начин ја заврши натпреварувачката 2022 година во Втората македонска фудбалска лига.

„Црвено-црните“ имаа проблем да обезбедат терен за викенд, па го одиграа дуелот во невообичаен термин, што на крајот не се покажа како проблематично во обидот да се освојат трите бода.

Мицевски и Марковски со по еден гол во двете полувремиња го обезбедија триумфот против Кожуф, како и привремена прва позиција на табелата во Втората лига.

Вардарци имаат 36 бода, два повеќе од Гостивар кој допрва ќе го одигра натпреварот со Караорман.