Вардар ја „тресна“ Струга за прва победа во пролетниот дел од шампионатот

Фудбалерите на Вардар издвојуваа победа над Струга Трим Љум од 2-0 во натпреварот од 20. коло во Првата македонска лига.

Ова за „црвено-црните“ беше втор гостински триумф во тековнава сезона, прв официјален ако се земе предвид дека оној со Тиквеш во Кавадарци го доби службено со 3-0 поради инцидентот во финишот на натпреварот.

За избраниците на Седлоски овие три бода се од исклучително значање во борбата за опстанок, но и за кревање на самодовербата пред престојните предизвици како во шампионатот така и во Купот.

Двата гола паднаа во вториот дел, првиот беше дело на Закариќ, додека вториот на резервистот Мато кој на атрактивен начин го матираше Ќосевски.

Со 16 бода Вардар излезе од опасната зона, актуелниот шампион Струга пак е на 5. позиција со 32 бода.