Вардар ја прекина лошата серија со победа во Ѓорче Петров

Вардар беше поконкретен и покажа повеќе на скопското дерби со Македонија и стигна до минимална победа (0:1) на гостување во населбата Ѓорче Петров.

„Црвено-црните“ ја прекинаа лошата серија благодарение на голот на Милосавиќ од 35. минута, а истиот беше постигнат по убава акција на гостите, која беше крунисана со погодок за победа.

И во вториот дел Вардар имаше повеќе обиди и шанси за да реализира, Македонија Ѓорче Петров не можеше да стори нешто повеќе и во завршната иницијатива, па „вардарци“ и се израдуваа на четвртата победа сезонава.

За Вардар ова е прва победа по четири порази во серија, па сега има 14 бодови или два помалку од Брегалница и Воска Спорт (-1).

Македонија е блиску до опасната зона, бидејќи сега остана на 18 бодови, со два натпревара повеќе од Воска и еден натпревар повеќе од Брегалница и Вардар.