Вардар и се заблагодари на Струга: Приемот и организацијата беа на европско ниво, пример за шампион на една земја

Вардар ги освои трите бода на саботниот меч против Струга Трим Љум, меч на кој со головите на Закариќ и Мато дојде до важен триумф во борбата за опстанок во Првата лигата.

Освен од резултатите, „црвено-црните“ се задоволни од комплетната организација на натпреварот и приемот од домаќинот, па преку кратко соопштение му се заблагодарија на шампионот.

-ФК Вардар сака да изрази благодарност кон домаќинот на натпреварот кој го одигравме во саботата против шампионот на Македонија, екипата на Струга Трим Љум.Приемот и организацијата беа на европско ниво, како што доликува на еден шампион на оваа држава, -порачаа од најтрофејниот македонски клуб.