Вардар и „Комити“ славеа роденден, Железничар во фантастична атмосфера падна во Скопје (ВИДЕО)

Денеска беше посебен ден за Вардар и неговата навивачка група „Комити“, ден во кој клубот го прослави 75 роденден, а верните фанови 35 години од нивното формирање.

Овој јубилеј беше одбележан со пријателски меч против Железничар во Скопје, меч кој им припадна на „црвено-црните“ со 2-0 со погодоците на Филип Јаневски и Ерен Парталко.

Меѓутоа резултатот беше во втор план, вистински спектакл имаше на трибините каде беа присутни преку 10.000 луѓе. Најжестоко сосема очекувано беше на Запад каде „Комитите“ блескаа во сиот свој сјај, направија вистински спектакл со кој беше испратена јасна порака дека македонската гордост живее и ќе продолжи да живее.

pic.twitter.com/T2iV4O0krj

— Скопски Вардар (@SkopskiVardar) November 23, 2022