Вардар го задржа Калараш, но и договори голман од Франција (ВИДЕО)

Екипата на Вардар продолжува да влече потези и го гради составот на наредната сезона, па така откако ги продолжи договорите со капитенот Стојанче Стоилов, Иван Чупиќ, Тимур Дибиров и Кристијан Дизингер сега стигна информација дека во Скопје останува и големиот борец Глеб Калараш.

Ова секако е значаен потег за „црвено-црните“ со оглед на влијанието на Калараш кој е вистински воин во дефанзивата, но знае и да одигра во нападот.

Воедно Вардар најверојатно обезбеди и голман од Франција и тоа Робин Кантегрел. Желба на „црвено-црните“ беше Никола Митревски, меѓутоа тоа сценарио не се оствари и клубот од  „Јане Сандански“ побара друго решение и тоа е Кантегрел.

Се работи за 25-годишен голман кој во оваа сезона го чувал голот на Сесон Рен каде на 18 натпревари собрал 142 одбрани, односно 7,89 во просек.

Оваа информација треба се уште да биде потврдена, но ако се биде како што треба тоа значи дека Робин заедно со Ристовски и Кизиќ ќе бидат оние што ќе бидат задолжени и главни меѓу стативите.