Вардар го надигра Тиквеш и тргна по одбрана на титулата

Екипата на Вардар пристигна во Струга како бранител на трофејот освоен минатата година, а првиот меч кој го одигра денеска е најава дека „црвено-црните“ планираат да одат до самиот крај.

По уверливото издание на Еурофарм Пелистер, максимално сигурен беше и Вардар на вториот меч на програмата денеска, бидејќи скопскиот тим го исконтролира дуелот со Тиквеш отпочеток до самиот крај.

Вардар успеа да се одлепи уште во воведната фаза со 9:5 и разликата од четири гола ја одржа до полувремето (15:11), а иако Тиквеш се обидуваше, најмногу што успеа да стигне во вториот дел беше „минус три“.

Фаворитот на вечерниот меч не дозволи враќање на противникот и непотребна драма во завршницата, па на крајот славеше и поубедливо со 34:27.

Јагуриновски со шест гоола беше најефикасен во тимот на Вардар, а исто толку постигна и Манасков на спротивната страна.