Вардар договори уште едно дефанзивно засилување

Вардар ја имаше третата најлоша одбрана во првиот дел од домашното првенство, па токму поради ова управата на клубот се впушти во акција и за крато временски период обезбеди уште едно дефанзивно засилување.

Имено по Михал Пинтер нов член на скопскиот состав е 23-годишниот Георгије Јанкулов. Тој потекнува од школата на Црвена Звезда, а во Вардар доаѓа од редовите на Брера за која одигра десет средби во ПМФЛ во натпреварувачката 2024/2025 и постигна еден гол.

Десниот бек има играно уште за Борец и Силекс во Македонија, односно Железничар Панчево во Србија.

Најтрофејниот македонски клуб освои само 13 бода и е на претпоследното место во шампионатот, додека пак во четвртфиналето на Купот ќе ги одмери силите со Силекс.