Вардар ангажираше добро познато име како засилување до крајот на сезоната

Вардар не успеа да оствари победа во Втората македонска фудаблска лига и по тренерската смена во првиот тим, откако најтрофејниот македонски клуб изминатиов викенд само 2:2 против Беса.

Новиот тренер Никола Глигоров беше на чекор од остварување на премиерна победа како тренер на Вардар, но тој и играчите од првиот тим доживеаја шок во 90-та минута кога гостите израмнија на 2:2 за поделба на бодовите.

Во продолжение од сезоната, Вардар од денеска ќе може да смета и на едно добро познато име од фудбалската школа на клубот, Никола Ристевски кој потпиша едногодишен договор со „црвено-црните“.

– Никола Ристески е нов играч на ФК Вардар. Роден е на 20-ти декември 1996, доаѓа од екипата на Ренова, а потекнува од фудбалската академија на нашиот клуб.
– Договорот е потпишан на една година, а Ристески во нашиот клуб ќе го носи дресот со број 13. Добредојде Никола!, – порачаа вардарци.