Варан одигра само 23 минути за Комо и остана без регистрација за настап во Серија А

Рафаел Варан дојде во редовите на Комо како големо засилување за настапот на екипата во Серија А, но експресно се повреди и не успеа ниту да дебитира во Серија А.

Французинот пристигна од редовите на Манчестер Јунајтед, но се повреди по само 23 минути во поразот од Салернитана во италијанскиот Куп.

Клубот објави дека се работи за незгодна повреда и иако не најави колку точно ќе паузира, денеска стана јасно дека Варан нема да биде пријавен за настап во Серија А.

Дефанзивецот не се нашол на списокот со фудбалери кои ќе имаат право да играат во првенството и тоа нема да се промени до следниот преоден рок, па Варан и да се рехабилитира претходно, ќе може само да тренира со своите соиграчи.

Дел од медиумите шпекулираат и дека Комо размислува за предвремено раскинување на договорот.