Ваноли: Елмас има одлична техника…

Елиф Елмас има добар старт на новата приказна во кариерата, епизодата во калчолигашот Торино каде на три средби успеа да постигне два погодоци и тоа против Монца и Болоња.

Со ова македонскиот репрезентативец покажува дека влегува во ритам и форма, односно е заборавен лошиот период од РБ Лајпциг каде не доби вистинска шанса од тренерот Марко Розе.

-Дали очекував Елмас толку брзо да влезе во форма? Очекував значаен придонес во однос на искуството и техничкиот квалитет, новите играчи ме импресионираа со желбата што ја вложија.

-Играч кој е технички поткован секогаш се мачи помалку од некој кој не е и мора да трча повеќе, -истакна тренерот Паоло Ваноли.

„Биковите“ во новата рунда во Калчото и гостуваат на Парма утре од 15 часот.