Поврзете се со нас

Светски првенства

Ване за потегот на Перез Де Варгас: Доказ дека ракометот се уште е џентлменски спорт

Објавено

на

Шпанскиот голман Гонсало Перез де Варгас со право е херој на вчерашниот натпреварувачки ден на Светското ракометно првенство, а до таков статус стигна благодарение на џентлменскиот потег на дерби пресметката меѓу неговата репрезентација и Шведска.

Шпанија и Шведска на крајот одиграа нерешено, но скандинавската селекција можеше многу порано да остане без Хампус Ване, еден од нејзините најважни играчи и најдобри реализатори.

При изведување на пенал од страна на Ване, судиите проценија дека Швеѓанецот упатил директен удар во главата на Перез де Варгас и му покажаа црвен картон, но ситуацијата се промени по реакцијата на шпанскиот голман.

Тој откри дека топката прво го удрила во рака, а потоа во глава, па така му порача на судијата да ја поништи одлуката и да го остави Швеѓанецот во игра.

Самиот Ване по натпреварот испратил комплименти на соиграчот од Барселона, потенцирајќи дека не е изненаден од начинот на кој реагирал Перез де Варгас.

– Овој момент е една од убавите аспекти на ракометот и доказ дека ова се уште е џентлменски спорт.

– Во ваква ситуација тој избра да биде искрен и чесен, но јас знам дека се работи за добро момче, комуницираме интензивно кога сме заедно во Барселона. Не сум изненаден од неговиот потег, бидејќи секогаш бил фер играч, – рекол Ване.

ИХФ треба да измисли фер-плеј награда за Де Варгас: Шпанскиот голман воодушеви со својот потег на СП (Видео)

 

Advertisement
Advertisement

Италија

Advertisement

Популарни