Ван Перси се осмели на тешка одлука: Ги спореди Венгер и Фергусон и направи конечен избор

Робин Ван Перси соработуваше цели осум години со Арсен Венгер и Французинот дефинитивно беше негов најголем ментор во фудбалот, но сепак кога треба да го избере најдобриот тренер со кого соработувал во кариерата, Холанѓанецот на прво место го стави Сер Алекс Фергусон.

Ван Перси направи „предавнички“ трансфер од Арсенал во Манчестер Јунајтед поради сериозниот интерес кој го пројави токму Ферги, а иако соработуваше само една сезона со легендарниот Шкотланѓанец, тоа време се покажало како доволно да донесе искрен заклучок.

Во најновата книга посветена на Луи Ван Гал, Ван Перси говори за своите најдобри тренери кои имале најголемо влијание врз него, но на прво место го стави неповторливиот Ферги кој испиша историја со Манчестер.

– Фергусон дефинитивно е супер менаџер. Беше навистина брилијантно да се соработува со него, а истовремено и посебно. Неверојатно како го одржуваше цел тим фокусиран и среќен истовремено. Венгер, на пример, е комбинација од Фергусон и Ван Гал. Арсен секогаш ги гледа само позитивните нешта и гледа како ќе одат работите на долг период.

– Од друга страна, тактички гледано, Луи Ван Гал е фудбалки гениј, никој не може да го оспори тоа. Навистина имав менаџери кои имаа свои уникатни карактеристики, но Фергусон дефинитивно беше посебен и супер менаџер, – заклучува Ван Перси.