Ван Перси ќе го напушти Херенвен и ќе преземе поголем холандски клуб

Робин ван Перси реши да гради тренерска кариера и сезонава го води холандски Херенвен, а според најавите на локалните медиуми веќе договорил многу поголем предизвик.

Феенорд беше во потрага по ново долгорочно решение за тренерската позиција и со привремен тренер го елиминира Милан во Лигата на шампионите, а најавите се дека токму Ван Перси ќе ја преземе функцијата уште наредната недела.

Клубот од Ротердам има посебно значење за кариерата на поранешниот напаѓач, кој ја започна и ја заврши кариерата токму во Феенорд, па веројатно не му било тешко на Ван Перси да ја прифати понудата.

Феенорд ќе има многу поголеми амбиции наредната сезона, а на клупата Ван Перси ќе го замени Паскал Босхарт, кој во моментов привремено ја извршува тренерската функција.

Покрај за Феенорд, во играчката кариера, Ван Перси настапуваше и за Арсенал, Манчестер Јунајтед и Фенербахче.