Ван Нистелрој открил што им порачал на фудбалерите по слабото прво полувреме на Јунајтед

Манчестер Јунајтед го победи ПАОК во Лига Европа и забележа уште една победа под водство на привремениот менаџер, Руд ван Нистелрој, но Холанѓанецот признал дека воопшто не бил задоволен од начинот на кој фудбалерите настапиле во првиот дел.

Амад Диало со два гола ја обезбеди победата за „црвените ѓаволи“, но англискиот клуб не воодушеви со начинот на кој го одигра првото полувреме, во кое немаше голови на „Олд Трафорд“.

– Зборував многу за позиционирањето на полувремето.

– Не се држевме до зададените позиции во првиот дел, поради тоа не можевме да развиеме игра, не можевме да ги пронајдеме играчите како Фернаднеш и Диало, кои можат да бидат опасни за противничката одбрана.

– Мислам дека се подобривме во продолжението и тоа даде резултат, се забележа флуиодноста и шансите кои ги создадовме го поправија впечатокот, – рекол Ван Нистелрој.

За Јунајтед ова е прва победа во Европа по 380 дена и прва во актуелното издание на Лига Европа.