Поврзете се со нас

Свет

Ван Гал му покажа на Тен Хаг дека може да го игра летното засилување и на друга позиција: Добро е да имате пит-бул!

Објавено

на

Foto:twitter.com/OnsOranje

Холандија го одбрани првото место во групата и со победа од 1:0 над Белгија го потврди учеството на фајнал-фор турнирот во Лигата на нации, но овој натпревар послужи и како експеримент за Луи Ван Гал во пресрет на завршните подготовки кои ќе ги има за Светското првенство.

Тајрел Маласија го воодушеви Ван Гал на еден од последните тренинзи со својата завршница и младиот фудбалер се гледа дека ужива огромна доверба од селекторот, кој вчеравечер го испроба на нова позиција и му покажа на Ерик Тен Хаг дека во левиот бек може да има и одличен стопер во постава со тројца дефанзивци во срцето на одбраната.

Маласија ги одигра вторите 45 минути како централен бек на левата страна и му беше поддршка на Блинд кој играше како лев бек, а во своето објаснување за ваквото решение, Ван Гал откри дека го ставил брзоногиот лев бек на таа позиција за да може да се справи со Кевин Де Брујне.

– Го ставив Тајрел на левата страна во центарот на одбраната за да биде блиску до Де Брујне. Тој игра на тој дел од теренот и добро е да имате пит-бул како него за да биде блиску. Добро е да имате таков пит-бул, заедно со Блинд кој обично игра тактички.

– Де Брујне е побрз од Блинд и затоа го ставив Маласија како стопер. Зборував за него за ова уште претходно и му објаснив дека може да игра како стопер на левата позиција. Дефанзивните задачи си ги заврши одлично, но во конструкцијата на акциите можеше да биде многу подобар, – изјавил Ван Гал.

Реклама
Реклама
Реклама

Популарни