Ван Дајк за неговата ситуација: Не знам што носи иднината…

Ливерпул покажа дека е поквалитетен тим од Тотенхем и со убедлив триумф од 4-0 се пласираше во финалето на англискиот Лига Куп каде за ривал ќе го има составот на Њукасл кој пак во полуфиналето го надигра Арсенал.

Еден од стрелците за „црвените“ беше дефанзивецот Вирџил Ван Дајк, ас кој по натпреварот беше запрашан за неговата иднина со оглед на тоа што договорот му завршува во месец јуни, а одговорот дефинитивно треба да ги загрижи навивачите на премиерлигашот.

-Се чувствувам добро, ама немам поим што носи иднината. Секој што вели дека знае, апсолутно греши, -истакна Холанѓанецот кој заедно со Салах и Александер Арнолд се трите ѕвезди на клубот за кои постои опасност да си заминат по крајот на сезонава и тоа без никакво обештетување.