Ван Дајк со нетрпение ја чека битката со Халанд: Ме чека тешко попладне

Вирџил Ван Дајк како капитен ќе го води Ливерпул на неделното дерби против Манчестер Сити, но за очекување е да води жестока битка и со главната опасност во нападот на „граѓаните“.

Ерлинг Халанд постигна три гола на своите шест настапи против Ливерпул и навистина е интересно да се гледа како води борба за еден од најдобрите стопери на денешницата, а во пресрет на пресметката која ќе ја имаат на „Енфилд Роуд“, јасно е дека и двајцата играчи со нетрпение чекаат да излезат на теренот.

Ван Дајк добро се носеше на првиот натпревар кој се одигра оваа сезона и кој заврши со резултат 1:1, но знае дека задутре го чека меч во кој ќе има големи проблеми во одредени ситуации.

– Секако дека е тешко да се игра против Халанд. Тој е роден голгетер, го докажа тоа откако пристигна тука во Англија. Ќе биде тешко попладне за нас, но едвај ја чекам битката со него.

– Во досегашните пресметки, тој ми создаде многу проблеми, но и јас му создадов проблеми. Така функционираат работите во фудбалот, но навистина е престиж да се играат натпревари против таков ривал. Следи многу важен меч за двата тима и секогаш се учи кога играте против најдобрите напаѓачи во светот, – изјави Ван Дајк.