Поврзете се со нас

Лига на шампиони

Ван Дајк: Секогаш се случува истото против Реал……

Објавено

на

Foto:twitter.com/LFC

Вирџин Ван Дајк имаше шанса во четири наврати да се соочи со Реал Мадрид во изминатите неколку години, но ниту еднаш не ја почувствува сласта на победата.

Напротив, холандскиот стопер претрпе четири порази во дуелите со „кралскиот клуб“ и ниту еднаш не пронајде решение за офанзивните решенија на Шпанците, а така беше и вчера на реванш-осминафиналето кое се одигра на „Сантијаго Бернабеу“.

Во својата анализа на елиминацијата, Ван Дајк ги нагласи лошите бројки кои ги има против Реал, заклучувајќи дека станува збор за тим кој секогаш знае што прави на теренот во Лигата на шампионите.

– Првото полувреме кое го одигравме во Мадрид беше прилично изедначено, но секогаш ќе биде тешко да отидете на нивни терен и да направите пресврт. И покрај се, во мислите си велите дека ќе направите нешто. Откако сум јас во Ливерпул, секогаш се случува истото против Реал Мадрид. Секојпат кога играв против нив, сакавме да победиме, но никогаш не победивме.

– Креиравме некои опасни ситуации во првиот дел, но тие имаат квалитет на секој дел од теренот и опасни беа во против нападите преку Бензема и брзиот Винисиус. Штетата беше направена во Ливерпул и тоа е најразочарувачкото нешто од овој двомеч. Игравме против тим кој никогаш не го фаќа паника, дури и во тшеките моменти остануваат мирни, имаат играчи како Модриќ и Бензема кои прават разлика во секој момент, особено кога играат под притисок, – изјави Ван Дајк.

Реклама
Реклама
Реклама

Популарни