Ван Дајк: Навивачите можат да пеат што сакаат, но…

Ливерпул беше подобар од Њукасл со 2-0 и со тоа искористи уште еден кикс на Арсенал во Премиер лигата со што сега стигна до предност од 13 бода во трката за титулата и ќе треба да се случи чудо за да пехарот не заврши на „Енфилд Роуд“.

„Црвените“ играа стабилно, конкретно, добиваат натпревари за разлика од Арсенал кој има големи проблеми во офанзиваната со оглед на повредените играчи и фактот дека Мерино игра како „деветка“, главен напаѓач јасно говори за минусот кој клубот од Лондон го има во овој период.

Меѓутоа без разлика на двоцифрената предност и тоа што навивачите веќе почнаа да ја слават титулата и пеат песни (We’re Gonna Win The League), капитенот Вирџил Ван Дајк останува на земја и порача:

-Тие можат да пеат што сакаат. Мораме да се справиме со тоа. Ова беше добра атмосфера како и секогаш и мораме да се погрижиме дека дефинитивно останатите натпревари овде ќе бидат неверојатна атмосфера и мораме да продолжиме. Дефинитивно уживаме во атмосферата. Нема „речиси таму“. Остануваат уште 10 натпревари за нас и сè уште ништо не е решено. Сè додека не се реши, ние воопшто не се занесуваме.

-Ќе бидам досадното момче во таа смисла затоа што ќе кажам „одиме на наредниот, останете смирени“. Мора да уживате во победничките натпревари, но не премногу долго, бидејќи играте скоро на секои три дена. Сега имаме мала празнина. Тоа е единственото нешто што треба да го направиме, да се подготвиме за следниот, -порача Холанѓанецот.

Наредниот предизвик за Ливерпул е против ПСЖ во ЛШ.