Ван Дајк го изигнорира националниот колега од Јунајтед, видеото стана вирално

Холандија се справи со Босна на стартот на новата сезона во Лигата на нации и со два доцни гола славеше со 5:2, убедлива победа во која посебно беше истакната и грешката на Матијс Де Лихт.

Новото засилување на Манчестер Јунајтед имаше момент на помрачување и му подари гол на Един Џеко, но во фокусот се најде уште едно летно засилување на „ѓаволите“.

Џошуа Зиркзе беше стартер во нападот на „лалињата“ и успеа да се запише во листата на стрелците, но многу повеќе коментари предизвика видеото на кое се гледа како беше „оладен“ од капитенот.

Видеото од подтрибинскиот простор го откри моментот кога Ван Дајк како капитен ги мотивирал со поздрав сите свои соиграчи, со исклучок на Зиркзе кој исто така остана ладен во дадениот случај.

Ова видео предизвика различни коментари од двете фан бази на Манчестер Јунајтед и Ливерпул, па така секој го доживува истото на свој начин.

Van Dijk does not want to know Zirkzee pic.twitter.com/4RgjaA2aY3

— CF Comps (@CF_Compss) September 9, 2024

Zirkzee airing Van Dijk that’s my striker 🤣❤️ pic.twitter.com/2PGWi0pJCK

— Frank🧠🇳🇱 (fan) (@TenHagEra) September 9, 2024