Валверде го има „рецептот“ за Мбапе: За да биде најдобар…

Килијан Мбапе ја игра дебитанската сезона во дресот на Реал Мадрид, а првите неколку месеци носат различни впечатоци, заклучоци за настапите на напаѓачот.

Французинот има добри бројки на хартија со 14 голови и 4 асистенции на 24 натпревари, но кога играте за клуб како Реал постојано се очекува повеќе, да ја донесе магијата што во еден период ја имаше во ПСЖ и националниот тим.

Меѓутоа секој предизвик, приказна е различна, Килијан веќе се запозна со средината, подобро ги знае и соиграчите, па Феде Валверде веќе и има „рецепт“ за тоа како соиграчот да биде најдобар што може, а тоа е тие и навивачите да му дадат љубов.

-Отсекогаш сме го гледале како дава се од себе. Работи и тренира максимално напорно за да биде најдобар. Може да правите грешки, да имате лоши натпревари или лоши потези, но важно е да станете и да продолжите напред. Тој е пример и референца во соблекувалната. Тој е еден од најдобрите играчи во светот и мораме да му дадеме љубов, -порача Фед за Реал Мадрид ТВ.