Валенсија оствари победа вредна „шест“ бода (ВИДЕО)

Валенсија на Столе Димитриевски оствари супер важна победа над Леганес во Ла Лига, една од екипите со кои води жестока битка за опстаник во елитната шпанска конкуренција.

„Лилјаците“ го оставија на страна новиот дебакл од Барселона во Купот и и со цврста игра го срушија Леганес на „Месталја“ со 2-0 со два гола во првото полувреме. Во фокусот беа дефанзивците на домаќините, прво погоди Москера во 30, а потоа и Диакаби во 41 минута.

Овој триумф за Валенсија е од огромно значање, поточно како да се освоени шест бода и сега денешниот ривал има само поен повеќе од нив на табелата, односно е на таа 17. позиција која носи место во најсилниот шпански шампионат и во наредната сезона.

Инаку нашиот Столе остана на клупата за резерви, поточно на голот се врати Мамардашвили.