Валенсија на Димитриевски освои бод во Каталонија (ВИДЕО)

Валенсија на Столе Димитриевски не успеа да слави против уште еден ривал од долниот дел на табелата во Примера со таа разлика што сега избраниците на Рубен Бараха останаа непоразени во соочувањето со Еспањол.

Пред неколку дена популарните „лилјаци“ загубија од Валјадолид со 1-0 и го преземаа „фенерот“ во Ла Лига, додека пак вечерва освоија бод во Каталонија играјќи 1-1.

Пуадо во финишот на првиот дел ги доведе домаќините во водство, а веднаш пак по одморот Валенсија одговори преку Лопез. Гостите се трудеа и ја затресоа мрежата на Гарсија и во продолжение, меѓутоа имаше офсајд при тие ситуации и резултатот остана непроменет.

Нашиот Столе ги одигра сите 90 минути.

На втората средба во истиот термин Вилјареал и Рајо Валејкано ремизираа играјќи 1-1.