Валдес го покажа единственото богатство од својата кариера во Барса: Ова вечно ќе остане во меморијата (Фото)

Виктор Валдес често знаеше да биде доста потценуван и беше сметан за играч кој одлично се провлече во златната генерација на Барселона, но така не мислат фудбалските експерти, а уште помалку неговите соиграчи кои истрчаа со него во финалето во Лигата на шампионите во 2006-та година.

Барселона ја освои втората титула во Лигата на шампионите цели 16 години по историскиот успех на дрим-тимот на Јохан Кројф, но иако како неочекуван херој се истакна Белети кој го постигна победничкиот гол против Арсенал, голем спасител беше и Виктор Валдес кој после тој меч си го загарантира своето место во првиот тим.

Четиринаесет години подоцна, легендарниот шпански голман открива дека има само едно големо богатство од својата играчка кариера, а тоа е дресот кој го носеше на натпреварот во Париз.

Ниту еден медал, ниту едни ракавици, Валдес го има урамено само дресот од финалето со Арсенал.

– Единственото нешто што го чувам од мојата кариера меѓу стативите, ова е тоа што вечно ќе ми остане во меморијата…. Вечно ќе бидам благодарен за вашите пораки во изминативе неколку дена. Париз 2006-та, – порача Виктор.

View this post on Instagram

Lo único que guardo de mi etapa bajo palos, fuera de lo que mi memoria llegue a recordar… Eternamente agradecido por vuestros mensajes estos últimos días. #Paris2006

A post shared by Víctor Valdés (@victorvaldesteam) on May 19, 2020 at 2:08pm PDT