Валдано со изненадувачка изјава: Актуелен играч на Барса е најдоброто засилување во последните неколку декади!

Хорхе Валдано е жива легенда на Реал Мадрид поради низата обврски кои ги имаше во „кралскиот клуб“, но како човек кој е составен дел од медиумската сцена, често има прилика да го коментира и најголемиот ривал.

Аргентинецот е поранешен играч, тренер и генерален директор на Реал, па иако ужива посебен статус на „Сантијаго Бернабеу“, доста интересен е и кога дава коментари за каталонскиот великан.

Барселона тргна навистина добро во ерата на Ханси Флик и Германецот успеа брзо да ги придобие симпатиите, но според Валдано, тој не е единствен за фалење во новата ера на Барса.

Валдано го посочи Дани Олмо како играч кој ќе направи голема разлика за каталонците во блиска иднина, бирајќи го шпанскиот репрезентативец како најдобро засилување во последните неколку декади.

– Неиграњето на Ламин Јаман на последните два меча придонсе да видиме синџир од поселдици во Барселона. Едно од нив е непотребното играње на Дани Олмо на крило. Тој може да игра на било која позиција, му дава флуидност на тимот и според мене е најдоброто засилување на Барса во последните неколку декади. Се уште не сме го виделе најдоброто од него за Барселона, но тој е извонреден фудбалер. Има големо влијание на најважниот дел од теренот и може да игра на сите позиции, – потенцира Валдано.

Jorge Valdano: "El fichaje de @daniolmo7 por el @FCBarcelona_es es el mejor en décadas. Conviene que influya en la zona más importante del campo y la ausencia de Lamine lo condena a un lugar secundario" #ElTercerTiempo pic.twitter.com/SXzpPGtMMa

— Fútbol en Movistar Plus+ (@MovistarFutbol) November 25, 2024