Вајли: Мора да се бориме за секоја топка, ова е уште еден предизвик за нашиот млад тим

Македонската кошаркарска репрезентација вечера од 18 часот во Киев ќе го одигра вториот меч од квалификациите за Светското првенство во 2023 година.

Ривал ни е селекцијата на Украина која исто како нас загуби на стартот од овој циклус за Мундобаскетот. Домаќините на хартија се фаворити за победата, но нашата селекција ќе се обиде да им ги расипе сметките и со пожртвувана, ангажирана игра од почетокот до крајот да се обиде да направи изненадување во „Палатата на спортовите“ .

-Што може да се очекува од овој натпревар? Украина има доста добар тим, и сигурно е дека не очекува еден тежок меч. Ова е уште еден предизвик за нашиот млад тим, да покаже дека навистина може да игра против вака силни репрезентации, како на пример, шпанската. Она што се очекува од нас е да се бориме за секоја топка, за секој посед, сите да ја дадеме енергијата на теренот, па ќе видиме што ќе излезе од сето тоа. Мора да го имаме оној натпреварувачки дух потребен за вакви натпревари во кои се бориме за пласман на Светскиот Куп, -истакна Џејкоб Вајли.