Вајли и Сарагоса го изненадија домаќинот на завршниот турнир во ЛШ (ВИДЕО)

Шпанска Сарагоса за која настапува македонскиот репрезентативец Џејкоб Вајли е прв полуфиналист на завршниот турнир во Лигата на шампионите на ФИБА.

Завршницата се игра во Русија во Нижњи Новгород, а Вајли и компанија го исфрлија токму домаќинот кого го решија на негов терен со 86-78. Домаќините беа подобри во првите десет минути (28-23), но наредните две четвртини им припаднаа на гостите кои влегоа во последниот период со предност од 66-58.

Оваа предност од осум поени ја задржаа до самиот крај, па така во полуфиналето ќе играат со подобриот од Нимбурк и Пинар Каршијака.

Енис со 26 поени беше најпрецизен, Херис даде 17, додека пак Вајли имаше учинок од 15 кошеви и 8 скокови.

Congrats, @Jwiley_24! You've now activated the Frequent Flyer Bonus 🛩️#BasketballCL #Final8 I @CasademontZGZ pic.twitter.com/AYW683DFd4

— Basketball Champions League (@BasketballCL) May 5, 2021