Вацке за Супер лигата: Најголема грешка е да го потцените Флорентино Перез

Претседателот на Борусија Дортмунд, Ханс-Јоаким Вацке, периодов беше најприсутен во медиумите поради изјавите поврзани со Ерлинг Халанд, но денеска го предизвика вниманието со коментар поврзан со проектот „Супер лига“.

Истиот пропадна експресно по големиот притисок на УЕФА и навивачите, а само три клуба останаа зад новото европско натпреварување и одбија да ретерираат по ова прашање.

Според Вацке, прерано е да се каже дека Супер лигата е пропаднат проект.

– Супер лигата не е „мртва“. Ако ние и Баерн прифатевме да учествуваме, сега ќе постоеше.

– Најголема грешка е да го потцените Флорентино Перез. Тој учи на своите грешки, па јасно е дека лигата нема да биде од затворен тип, – истакнал Вацке за „Билд“.