Ужасна вест од Србија: Славен играч и тренер на Партизан погинал во страшна сообраќајна несреќа

Српската спортска јавност со големо неверување објави фотографии од страшната сообраќајна несреќа која се случил на патот Рума-Јарак, а по првичните шпекулации кои велеа дека во незгодата учествувал познат фудбалер, сега стигна и официјална потврда.

Партизан соопшти дека поранешниот фудбалер и досегашен фудбалски стручњак Миодраг Јешиќ го загубил својот живот во четврток наутро, откако со своето патничко возило „Ситроен“ излетал од својата коловозна лента и се забил во камион.

Славниот фудбалер на Партизан и поранешен тренер на „црно-белите“ веднаш подлегнал на тешките повреди и била констатирана смрт, по што со кратка објава се јави и неговиот матичен клуб.

Јешиќ имаше 64 години и последно работеше како тренер во Саудиска Арабија оваа година, а претходно имаше насобрано значајно искуство како тренер на Раднички, ОФК Београд, Партизан, Алтај, Славија Софија, ЦСКА Софија, ирански Ширин, Литекс и многу други.

Играчката кариера ја започнал во матичниот Партизан и во белградскиот великан играл во два наврати, но исто така ги претставувал и боите на Алтај и Трабзон. Како член на Партизан станал и национален шампион на Југославија во сезоната 1982-83.

🙏 U saobraćajnoj nesreći na putu Ruma-Jarak poginuo je Miodrag Ješic, bivši fudbaler i trener FK Partizan.

— FK Partizan (@FKPartizanBG) December 8, 2022