Ужасен и неспортски потег на играч на Бока: Намерно го удираше противникот по скршениот прст (Видео)

Екипата на Бока Јуниорс стигна од трофејот во Купот на Аргентина откако вчера го совлада тимот на Расинг по подоброто изведување на пеналите (6:5).

Натпреварите во Аргентина често изобилуваат со остри и непромислени стартови, а таков беше и вчерашниот финален натпревар во кој имаше неколку спорни ситуации.

Една таква е од 19. минута кога играчот на Бока Јуниорс, Карлос Замбрано го навлече гневот на фудбалската јавност со неговиот потег и нападот кон противникот.

Имено, Замбрано неколку пати го удираше напаѓачот на Расинг, Ензо Копетељи по скршениот прст кој му беше преврзан со завои. Откако неколкупати го промаши, Замбрано еднаш го погоди играчот кој потоа легна на тревата.

За ваквиот неспортски потег, перуанскиот репрезентативец заработи само жолт картон од главниот судија на средбата.